DFØ
DFØ handsamar førespurnadar om utgreiingsinstruksen og samfunns-økonomiske analysar frå departement, underliggjande verksemder og allmennheita. Under gir vi ei kort beskriving av omfanget av og kva type førespurnadar DFØ har svart på i 2021.
DFØ har eit delt rettleiingsansvar for utgreiingsinstruksen med Justis- og beredskapsdepartementet (JD) og Utanriksdepartementet (UD). DFØ har ansvar for å rettleie om føresegnene i kapittel 1–3. JD har ansvar for føresegnene som gjeld lover og forskrifter (kapittel 4), og UD har ansvar for føresegnene som omhandlar EØS- og Schengen-saker (kapittel 5 og andre kapittel som omhandlar denne typen saker).
DFØ sitt kompetansetilbod knytt til utgreiingsinstruksen og samfunnsøkonomiske analysar er ein sentral del av ansvaret vårt for å forvalte utgreiingsinstruksen. I dette kapittelet gir vi ein omtale av kompetansetilbodet vårt. Vidare gir vi ei beskriving av andre tiltak og erfaringar som viser korleis DFØ har forvalta utgreiingsinstruksen gjennom 2021.
Som ein del av forvaltingsansvaret for utgreiingsinstruksen og fagområdet samfunnsøkonomisk analyse vil DFØ arbeide for stadig å vidareutvikle kompetansetilbodet vårt til departement og underliggjande etatar.
Direktoratet for forvalting og økonomistyring (DFØ) har i Instruks fastsatt av Finansdepartementet (FIN) blitt delegert forvaltinga av økonomiregelverket.
DFØ har fått delegert makt til å fastsetje unntak frå økonomiregelverket. Unntakssøknadar skal sendast til DFØ av departementa på vegner av underliggjande verksemder.
DFØ svarer på spørsmål frå departement og statlege verksemder om fortolking og forståing av økonomiregelverket.
Ei av oppgåvene til DFØ som forvaltar av økonomiregelverket er å klargjere korleis regelverket skal forståast.
I dette kapittelet gir vi ein omtale av andre tiltak og erfaringar frå aktivitetar vi gjennomfører. Tiltaka og erfaringane kan verke inn på vidareutvikling av økonomiregelverket, verksemdene si etterleving av regelverket og DFØ sitt kompetansetilbod. Kapittelet er delt inn i fem sentrale tema for regelverksforvaltinga.
Her orienterer vi om strategisk viktige enkeltoppgåver for DFØ innanfor regelverksområdet i 2022. I samsvar med innrettinga av økonomiregelverket og DFØ sitt forvaltingsansvar omfattar enkeltoppgåvene eit breitt spekter av tema og tiltak. Nokre av oppgåvene er oppfølging av tema som er omtalte tidlegare i rapporten, andre oppgåver er vidareførte frå 2021.