Søk

Direktoratet for forvalting og økonomistyring (DFØ) er i instruks, fastsett av Finansdepartementet (FIN), delegert forvaltinga av økonomiregelverket. DFØ sine fullmakter er òg omtalte i fleire av dei faste rundskriva frå FIN til statsforvaltinga, sjå regjeringen.no.

Statlege verksemder skal etterleve krav i økonomiregelverket. Likevel kan verksemder av ulike årsaker ha behov for unntak frå krav i økonomiregelverket, for eksempel at ei verksemd skal opprette ein valutakonto (utanfor konsernkontoordninga). Verksemda kan då søkje om unntak frå krav i økonomiregelverket for ein kortare eller lengre periode.

Vi svarer på spørsmål frå departement og statlege verksemder om fortolking og forståing av økonomiregelverket. Nokre førespurnader er konkrete spørsmål om rutinane i verksemda eller om endringsforslag følgjer regelverket. Andre førespurnader handlar om å få kunnskap om krav i regelverket og korleis verksemda eventuelt kan tilpasse seg dette.